Франтмен Sigur Ros выдаў кулінарную кнігу

Франтмен ісландскага гурта Sigur Ros Ёнсі Біргісан і яго партнёр па праекце Riceboy Sleeps Алекс Сомерс падзяліліся з публікай сваімі кулінарнымі сакрэтамі. Музыкі размясцілі на сваім сайце кулінарную кнігу пад назвай “The Good Heart Recipe Book” (Добрасардэчная кулінарная кніга).

Акрамя таго, музыкі знялі на відэа працэс гатавання некаторых страў і выклалі відэа ў інтэрнэт для большай нагляднасці.

Сярод прапанаваных музыкамі рэцэптаў — простыя спосабы прыгатавання не самых простых страў: какосавага кары, супу міса з локшынай, соўсу са шпінату і пірага са свежымі клубніцамі.

Фота: Last.fm