Футбольная зборная Беларусі выйграла ў каманды Албаніі — 2:0

Зборная Беларусі па футболе паспяхова правяла адборачны матч чэмпіянату Еўропы 2012 года супраць каманды Албаніі. У аўторак на мінскім стадыёне "Дынама" беларусы перамаглі — 2:0. Галы на рахунку Віталя Радзівонава (10-я хвіліна) і Сяргея Крыўца (77-я). Адзначым, што Крывец вызначыўся праз некалькі хвілін пасля выхаду на замену.

Зборная Францыі на сваім полі перамагла Люксембург — 2:0.

Турнірная табліца ў нашай групе D выглядае наступным чынам:

1.Францыя 9 ачкоў (3 перамогі, 1 паражэнне, розніца мячоў — 6:1)
2. Беларусь 8 ачкоў (2 перамогі, 2 нічыі, 3:0)
3.Албанія 5 ачкоў (1 перамога, 2 нічыі, 1 паражэнне, 3:4)
4.Боснія і Герцагавіна 4 ачкі (1 перамога, 1 нічыя, 1 паражэнне, 4:3)
5.Румынія 2 ачкі (2 нічыі, 1 паражэнне, 1:3)
6. Люксембург 1 ачко (1 нічыя, 3 паражэння, 0:6)