Гамельчан азнаёмілі з гістарычнай забудовай горада, якой пагражае знос
Сёння ў Гомелі адбылася экскурсія па гістарычным раёне горада Свісток, якую ладзіла Таварыства беларускай мовы.
Правёў экскурсію супрацоўнік Веткаўскага музея народнай творчасці Андрэй Скідан.
Экскурсія была прысвечана тым будынкам, якія маюць гістарычную каштоўнасць для горада, але хутка могуць знікнуць у сувязі з плануемай уладамі забудовай гэтага раёна шматпавярховікамі.
Існуе ініцыятыва перанесці гэтыя дамы ў іншую частку горада і стварыць там музей драўлянай архітэктуры Гомеля пад адкрытым небам.
