Генеральны сакратар Савета Еўропы асудзіў выбух у Мінску
Генеральны сакратар Савета Еўропы Тэры Дэвіс абураны выбухам у Мінску. Аб гэтым гаворыцца ў распаўсюджанай 4 ліпеня ў Страсбурзе заяве кіраўніка Савета Еўропы. "Я узрушаны выбухам, які адбыўся на канцэрце пад адкрытым небам у сталіцы Беларусі", — цытуе Тэры Дэвіса ІТАР-ТАСС. "Нішто не можа апраўдаць гэтае злачынства. Ад свайго імя і ад імя калегаў у Савеце Еўропы выказваю спачуванні ўсім людзям, якія атрымалі раненні ў выніку гэтага выбуху", — гаворыцца ў заяве кіраўніка Савета Еўропы.
