Германія адказала на абвінавачанні Вэнса ў тым, што ЕС умешваецца ў выбары ў Венгрыі
Джэй Дзі Вэнс / Reuters
Урад Германіі раскрытыкаваў заявы віцэ-прэзідэнта ЗША Джэя Дзі Вэнса пра ўмяшанне Еўрапейскага саюза ў выбары ў Венгрыі. Як паведамляе Politico, у Берліне адзначылі, што менавіта візіт амерыканскага палітыка ў Будапешт незадоўга да галасавання можа ўспрымацца як спроба знешняга ўплыву.
З адпаведнай заявай выступіў намеснік спікера ўрада Германіі Себасцьян Гіле на брыфінгу для журналістаў.
"Мы адхіляем гэтыя абвінавачанні. Той факт, што віцэ-прэзідэнт ЗША быў у Венгрыі незадоўга да выбараў, сам па сабе гаворыць пра тое, хто насамрэч умешваецца", — сказаў ён.
Афіцыйны Берлін падкрэсліў, што не мае ніякіх пераваг адносна вынікаў выбараў і прызнае толькі рашэнне венгерскіх выбарцаў.
