Германія пачала абмяжоўваць кантакты з афіцыйным Мінскам

Як паведаміў 15 студзеня на прэс-канферэнцыі ў Мінску ўпаўнаважаны ўрада Германіі па правах чалавека Маркус Лёнінг, баварскі міністр эканомікі адклікаў запрашэнне міністру эканомікі Беларусі Мікалаю Снапкову ўзяць удзел у канферэнцыі ў Мюнхене, паведамляе БелаПАН.

Паводле яго слоў, баварскі міністр заявіў, што з прычыны апошніх падзей у Беларусі прысутнасць Снапкова на канферэнцыі "непажаданая".