"Голас": 23,33% беларусаў не плануюць рабіць прышчэпкі супраць каранавіруса
23,33% беларусаў не плануюць рабіць прышчэпкі супраць каранавіруса, бо… асцерагаюцца наступстваў для здароўя. Пра гэта сведчаць даныя апытанкі платформы "Голос", у якой ужо прынялі ўдзел больш за 100 тысяч чалавек.
51,18% сярод удзельнікаў апытанкі ці ўжо зрабілі прышчэпку, ці плануюць бліжэйшым часам. А яшчэ 18,22% чакаюць доступу да вакцын, якія ўхваляе Сусветная арганізацыя здароўя. 7,27% апытаных не лічаць прышчэпкі дзейснымі.
