Гродзенец распавёў, чаму зарэзаў дзвюх жанчын

Нагадаем, увечары 29 кастрычніка ў Гродне ў сваёй кватэры з колатымі ранамі на шыі знайшлі трупы 27-гадовай мясцовай жыхаркі і яе 54-гадовай маці. Па дадзеным факце была распачатая крымінальная справа па артыкуле "забойства двух асоб". Аператыўна быў затрыманы падазраваны, якім аказаўся 27-гадовы жыхар Гродна.

Як інфармуе БЕЛТА, падчас допыту мужчына даў прызнальныя паказанні, што здзейсніў забойства ў стане алкагольнага ап'янення на глебе асабістых непрыязных адносін. Падазраваны паказаў месца на мосце праз Нёман, з якога выкінуў у ваду кухонны нож. Яго ўдалося знайсці і падняць са дна пры дапамозе вадалазаў.

У цяперашні час следчыя працягваюць правяраць і высвятляць усе абставіны злачынства, у тым ліку матывы яго здзяйснення. У гэтых мэтах вывучаецца лад жыцця ахвяр і падазронага, дапытваюцца тыя, хто ведаў іх, прызначаны шэраг экспертыз.

Здымак з архіву. Фота — Fotolia