Гурт Scorpions папрасіў прабачэння ў беларускіх прыхільнікаў (відэа) Еўрарадыё 21/04/2010 - 09:28 Соцыум Музыкі выклалі ў інтэрнэт відэа-зварот да сваіх прыхільнікаў у Беларусі. Яны папрасілі прабачэння за адкладзены канцэрт. У звароце гаворыцца: "З-за праблем з авіяпералётамі па ўсёй Еўропе і за акіянам у апошнія дні вялізнай праблемай стала дастаўка ў Еўропу з Лос-Анжэлеса нашага барабаншчыка Джэймса Котака. Мы вельмі шкадуем, што ў нас не атрымалася прыехаць у Мінск 20 красавіка, але будзьце ўпэўненыя, што мы зробім усё магчымае, каб правесці нашае шоў як мага хутчэй. Вельмі чакаем сустрэчы з нашымі фанамі ў Мінску".
