Ідзём на зніжэнне? Ізноў менш за тысячу новых выпадкаў COVID
Носім маскі і выконваем дыстанцыю, каб замацаваць вынік / pixabay
За суткі Мінздароўя налічыла 943 новыя выпадкі заражэнні каранавірусам у Беларусі. Памерлі дзесяць чалавек.
Усяго з пачатку пандэміі ў Беларусі былі зарэгістраваны больш за 399 тысяч выпадкаў станоўчага тэсту на COVID-19. Выздаравелі 392 тыс. 366 пацыентаў, у якіх раней быў пацверджаны дыягназ COVID-19.
Смяротнай пандэмія стала для 2 тыс. 910 пацыентаў з каранавірусам.
Амаль увесь гэты тыдзень лік новых выпадкаў СOVID-19, па дадзеных Мінздароўя, было менш за тысячу. Тэндэнцыя падбадзёрвальная, але каб яе замацаваць працягвайце апрацоўваць рукі і насіць маскі, нягледзячы на летнія тэмпературы.
