Ізраіль можа пачаць наземную аперацыю ў Ліване ў бліжэйшы час
Наземная аперацыя доўгі час планавалася / x.com/idfonline
Ізраіль можа пачаць наземную аперацыю ў Ліване ў бліжэйшы час. Яе мэта — адсунуць баявую інфраструктуру "Хезбалы" на значную адлегласць ад ізраільскай мяжы і стварыць "зону бяспекі". Як вядома, з-за ракетных абстрэлаў з тэрыторыі Лівана ізраільцяне працяглы час не могуць вярнуцца ў паселішчы на поўначы краіны. Гэтую праблему збіраюцца вырашыць.
Мяркуецца, што будзе "абмежаванае наземнае ўварванне". Бронетэхніка прасунецца на ліванскую тэрыторыю пад прыкрыццём артылерыі і авіяцыі. У заходніх СМІ былі паведамленні, што ізраільскі спецназ зайшоў у Ліван раней, праводзячы выведку і забяспечваючы шляхі для праходу войскаў. Тым часам падраздзяленні ліванскай арміі ў панядзелак адступілі з поўдня ў цэнтр краіны.
Наземнай аперацыі Ізраіля папярэднічалі некалькі тыдняў авіяўдараў па інфраструктуры "Хезбалы", а таксама шэраг спецаперацый, у выніку якіх тэрарыстам нанесены значныя страты. Знішчаны камандны склад "Хезбалы" ўключна з яе лідарам.
