Кабякоў: Разлічваем выйсці на тавараабарот з Малдовай мінімум 400 млн долараў
Беларусь і Малдова разлічваюць выйсці на тавараабарот мінімум 400 млн долараў. Пра гэта 2 кастрычніка заявіў прэм'ер-міністр Беларусі Андрэй Кабякоў на сустрэчы з прэм'ер-міністрам Малдовы Паўлам Філіпам, паведамляе БЕЛТА.
"У першым паўгоддзі бягучага года, нягледзячы на няспынныя крызісныя з'явы ў сусветнай эканоміцы, намеціўся рост тавараабароту. За сем месяцаў 2016 года аб'ём узаемнага гандлю павялічыўся ў параўнанні з мінулым годам амаль на 10% і склаў 150 млн долараў. Нам трэба замацаваць гэты станоўчы вынік і ставіць перад сабой мэту вярнуцца на ўзровень 2014 году – каля $ 400 млн ", – адзначыў Андрэй Кабякоў.
Афіцыйны візіт Андрэя Кабякова ў Малдове праходзіць з 2 па 3 кастрычніка. Кіраўнік беларускага ўрада таксама прыме ўдзел у цырымоніі адкрыцця Цэнтра беларускай культуры. Акрамя таго, у праграме – удзел Андрэя Кабякова у адкрыцці беларуска-малдаўскага эканамічнага форуму і пасяджэнні міжурадавай беларуска-малдаўскай камісіі па гандлёва-эканамічным супрацоўніцтве.
Мяркуецца, што па выніках беларуска-малдаўскага эканамічнага форуму будзе падпісаны шэраг кантрактаў паміж беларускімі і малдаўскімі прадпрыемствамі.
