Кантрабандыст вёз праз мяжу 20 кг срэбра
Буйную партыю срэбраных вырабаў выявілі мытнікі на вакзале "Брэст-Цэнтральны".
Як паведамляе прэс-служба Брэсцкай мытні, незадэклараваны тавар яны знайшлі за пажарным шчытком аднаго з купэ. Ад мытнага кантролю было схавана больш за 4000 адзінак срэбраных вырабаў. Агульная вага кантрабанды склала больш за 20 кілаграмаў. Папярэдні кошт яе ацэнены ў 600 мільёнаў рублёў.
Няўдалым кантрабандыстам апынуўся 26-гадовы беларус. На яго пачалі адміністрацыйную справу. А бранзалеты канфіскаваныя да рашэння суда.
Фота — brest.customs.gov.by
