Кастусёў звярнуўся ў Вярхоўны суд

Рыгор Кастусёў звярнуўся ў Вярхоўны суд з заявай, у якой ставіць пад сумнеў рашэнне Цэнтрвыбаркама прызнаць тое, што прэзідэнцкія выбары адбыліся. Як паведамляе прэс-служба Партыі БНФ, у заяве пералічаныя парушэнні, зафіксаваныя назіральнікамі, сябрамі выбарчых камісіяў і даверанымі асобамі кандыдатаў.

Сам Кастусёў не вельмі спадзяецца нават на тое, што яго зварот будзе разгледжаны Вярхоўным судом. Аднак ён перакананы, што павінен быў зрабіць гэта. "А рашэнне па маёй заяве няхай застанецца на сумленні беларускіх уладаў ", — перадае прэс-служба словы экс-кандыдата.