КДБ абвяргае Міхалевіча
Служба інфармацыі КДБ сцвярджае, што сённяшняя заява Алеся Міхалевіча пра катаванні ў СІЗА КДБ "не адпавядае рэчаіснасці".
"Што тычыцца ўжывання катаванняў, то гэтая заява адназначна не адпавядае рэчаіснасці", — сцвярджае кіраўнік цэнтра інфармацыі і грамадскіх сувязяў КДБ Аляксандр Антановіч.
З нагоды іншых сцвярджэнняў экс-кандыдата Міхалевіча, у прыватнасці, умоваў яго вызвалення пад падпіску аб нявыездзе, Антановіч пакуль нічога не сказаў. Ён адзначыў, што больш падрабязную інфармацыю дасць пазней, перадае БелаПАН.
Фота: periskop.livejournal.com
