КДБ не дазволіў ускласці вянкі да муроў “амерыканкі” – былой турмы НКВД
Дзень памяці ахвяраў сталінскіх рэпрэсій у Беларусі адзначаецца 29 кастрычніка.
Нагадаем, за адну ноч, з 29 на 30 кастрычніка 1937 года, у падвалах мінскай турмы НКВД, так званай “амерыканцы”, была расстраляная эліта беларускай нацыі - 100 пісьменнікаў і паэтаў, навукоўцаў і дзяржаўных дзеячоў.
Грамадскі аргкамітэт па ўшанаванню памяці ахвяраў сталінізма планаваў ускласці да муроў “амерыканкі” вянкі і накіраваў ліст кіраўніцтву КДБ, каб дазволілі прайсці туды дэлегацыі з 10 чалавек.
“Еўрарадыё” пацікавілася ў сакратара аргкамітэта Уладзіміра Раманоўскага, ці прыйшоў адказ з гэтай установы. Вось што ён распавёў:
“А з КДБ зусім ні гука! Апошні раз мы атрымалі ад іх ліст, калі запытвалі аб наяўнасці ў іх звестак пра пахаванні пад Гомелем. Нам быў дадзены адказ, што яны нічога не ведаюць і наагул спыняюць з намі перапіску”.
Мінскія ўлады не дазволілі грамадскім актывістам і часова ўстанавіць каля будынкаў КДБ і МУС капліцу. Аказваецца, яна замінала б пешаходам.
Сябры аргкамітэта 29 кастрычніка ў 13.30 збіраюцца на тралейбусным прыпынку каля Курапатаў. Яны мяркуюць здзейсніць аб’езд вядомых у сталіцы мясцін, звязаных з масавымі расстрэламі ахвяраў сталінізму.
У 16.30 яны вернуцца ў Курапаты, дзе ўшануюць памяць рэпрэсаваных землякоў, пакладуць на іх магілы вянкі, запаляць свечкі.
Правядзенне мітынга-рэквіюма ў Курапатах улады не дазволілі. Амаль месяц сталічныя чыноўнікі чакалі, а за 5 дзён да прызначанага тэрміна паведамілі заяўнікам, што яны звярнуліся не па адрасе.
Нагадаем, за адну ноч, з 29 на 30 кастрычніка 1937 года, у падвалах мінскай турмы НКВД, так званай “амерыканцы”, была расстраляная эліта беларускай нацыі - 100 пісьменнікаў і паэтаў, навукоўцаў і дзяржаўных дзеячоў.
Грамадскі аргкамітэт па ўшанаванню памяці ахвяраў сталінізма планаваў ускласці да муроў “амерыканкі” вянкі і накіраваў ліст кіраўніцтву КДБ, каб дазволілі прайсці туды дэлегацыі з 10 чалавек.
“Еўрарадыё” пацікавілася ў сакратара аргкамітэта Уладзіміра Раманоўскага, ці прыйшоў адказ з гэтай установы. Вось што ён распавёў:
“А з КДБ зусім ні гука! Апошні раз мы атрымалі ад іх ліст, калі запытвалі аб наяўнасці ў іх звестак пра пахаванні пад Гомелем. Нам быў дадзены адказ, што яны нічога не ведаюць і наагул спыняюць з намі перапіску”.
Мінскія ўлады не дазволілі грамадскім актывістам і часова ўстанавіць каля будынкаў КДБ і МУС капліцу. Аказваецца, яна замінала б пешаходам.
Сябры аргкамітэта 29 кастрычніка ў 13.30 збіраюцца на тралейбусным прыпынку каля Курапатаў. Яны мяркуюць здзейсніць аб’езд вядомых у сталіцы мясцін, звязаных з масавымі расстрэламі ахвяраў сталінізму.
У 16.30 яны вернуцца ў Курапаты, дзе ўшануюць памяць рэпрэсаваных землякоў, пакладуць на іх магілы вянкі, запаляць свечкі.
Правядзенне мітынга-рэквіюма ў Курапатах улады не дазволілі. Амаль месяц сталічныя чыноўнікі чакалі, а за 5 дзён да прызначанага тэрміна паведамілі заяўнікам, што яны звярнуліся не па адрасе.
