КДБ выклаў у інтэрнэце спісы загінулых у фашысцкім палоне

Камітэт дзяржбяспекі выклаў на сваім сайце спісы беларусаў, якія загінулі ў нямецкім палоне падчас Другой сусветнай вайны.
У іх значацца больш за 1,5 тысячы чалавек, чый лёс дагэтуль быў невядомым. Шэсць гадоў таму беларускі КДБ і нямецкае аб'яднанне “Саксонскія мемарыялы” падпісалі дамову аб вывучэнні архіўных дакументаў Другой сусветнай вайны.

З тых часоў беларускія і нямецкія архівісты даследавалі больш за 20 тысяч трафейных нямецкіх картак, дакументаў на ваеннапалонных. паведамляе "Комсомольская правда в Беларуси".