Хрэнін чакае атаку з тэрыторыі Польшчы, Літвы, Латвіі і Украіны
Прапагандысцкае мерапрыемства ў Магілёве / БЕЛТА
Міністр абароны Віктар Хрэнін і старшыня КДБ Іван Тэртэль працягваюць "турнэ" па Беларусі. На сустрэчах у рэгіёнах яны расказваюць пра тое, "адкуль на Беларусь рыхтаваўся напад". У аўторак падобная сустрэча прайшла ў Магілёве. Тэртэль напалохаў прысутных заявай, што "ядзерныя ўдары... па нашай тэрыторыі плануюцца". "Ёсць канкрэтныя планы ўваходжання на нашу тэрыторыю ваенных кантынгентаў, у тым ліку з тэрыторыі Польшчы", — цытуе яго словы БЕЛТА.
Хрэнін жа ў сваёй прамове гаварыў, што "нельга выключыць і распальвання ў Беларусі і ўнутранага канфлікту з далейшым знешнім умяшальніцтвам... з боку Захаду з тэрыторый Польшчы, Літвы, Латвіі і Украіны".
Прамовы генералаў на вялікім экране дадаваліся "ілюстрацыйным матэрыялам".
