“КЛІПзаМОВА”: тур 4 скончаны!
У ім спаборнічалі Zmicier Vinahradau, INDRA, "БМО", Pauline, "Спрат". Вынікі будуць неўзабаве!
"Арт-сядзіба", студыя “Ideas” і Еўрарадыё працягваюць конкурс “КЛІПзаМОВА”. Пераможца, якога абяруць музычныя эксперты, атрымае ў касці прыза бясплатныя здымкі кліпа. З 60 песень-прэтэндэнтаў на здымкі прадстаўнікі "Арт-сядзібы" і студыі “Ideas” абралі 20 найлепшых. Цягам апошняга месяца кожны жадаючы мог прагаласаваць на сайце Еўрарадыё за песню, якую ўпадабае.
6 красавіка ў 16:00 скончыўся апошні, чацвёрты паўфінал конкурса. Яго вынікі будуць падведзеныя пасля таго, як галасаванне будзе ачышчанае ад накрутак.
Неўзабаве распачнецца экспертнае галасаванне сярод фіналістаў, у лік якіх ужо трапілі ZnaROCK, :B:N: і ili-ili.
А 26 траўня ў клубе Re:Public адбудзецца прэзентацыя відэа і вялікі канцэрт пераможцы "КЛИПзаМОВЫ".
