Кулінковіч узрадаваўся пераносу “Рок-каранацыі” у “Рэактар”
Замест таго, каб выступаць на сцэне к/з “Мінск”, увечары 18 лютага лідар “Нейра Дзюбеля” застаўся дома, каб “пасядзець у інтэрнэце”.
Клуб “Рэактар” больш пасуе да фармату “Рок-каранацыі”, чым канцэртная заля “Мінск”. Такое меркаванне ў жывым эфіры Еўрарадыё выказаў лідар гурта “Нейра Дзюбель” Аляксандр Кулінковіч.
“Тое, што канцэрт перанесены, мяне, вядома, засмуціла. Але замена канцэртнай залі “Мінск” на “Рэактар” — гэта, на маю думку, добры крок. Сцэна “Рэактара” мне падабаецца нашмат больш”, — распавёў музыка ў жывым эфіры Еўрарадыё.
