Курс долара ў Беларусі абваліўся на 350 рублёў

19 сакавіка прайшлі чарговыя таргі на Беларускай валютна-фондавай біржы. Пасля ўчорашняга росту на 10 рублёў курс долара абваліўся адразу на 350 рублёў, чаго не было ўжо вельмі даўно. Цяпер курс долара складае 14 760 рублёў.

Еўра таксама згубіла свае пазіцыі, але не так заўважна — толькі на 180 рублёў. Цяпер курс еўра роўны 15 820 рублям.

А вось расійскі рубель вырас на 1 беларускі. Цяпер яго курс складае 246,5 беларускага рубля.

Фота — sb.by