Квіткі на чэмпіянат свету па хакеі-2014 будуць каштаваць ад 6 да 50 еўра
А на фінал – ад 25 еўра. Продаж пачнецца ўжо ў верасні.
Падчас турніра на "Мінск-Арэне" адбудуцца 28 матчаў папярэдняга этапу, па дзве чвэрцьфінальныя і паўфінальныя сустрэчы, а таксама матч за 3-е месца і фінал. "Чыжоўка-Арэна" прыме 28 гульняў папярэдняга раунда і два чвэрцьфіналы.
Кошт квіткоў на асобныя матчы будзе залежаць ад рэйтынгу каманд-удзельніц і часу пачатку матчу, інфармуе БелТА.
Усе квіткі падзеленыя на наступныя тыпы:
Event Ticket - білет на ўсе матчы, уключаючы фінальныя на адной з арэн турніру;
Group Round Ticket - білет на ўсе матчы папярэдняга этапу на адной з арэн турніру (28 матчаў);
Day Tickets BY - прапанова для жыхароў рэгіёнаў Беларусі, якая дазваляе наведаць 2 матчы па буднях або 3 матчы па выхадных днях на адной з арэн;
Final Round Ticket - білет на фінальную частку турніру толькі на "Мінск-Арэне" (6 матчаў);
Day-Ticket - білет на адзін гульнявы дзень (2 матчы па буднях або 3 матчы па выхадных днях);
Single Game Ticket - квіток на адзін матч.
Нагадаем, што чэмпіянат свету па хакеі-2013 пройдзе ў Мінску ў наступным годзе з 9 па 25 траўня.
