Лабараторна пацверджаныя 128 выпадкаў захворвання на свіны грып
У Беларусі зарэгістравана ўжо 128 лабараторна пацверджаных выпадкаў захворвання, выкліканых вірусам грыпу A (H1N1). Такія даныя абнародаваў Рэспубліканскі навукова-практычны цэнтр эпідэміялогіі і мікрабіялогіі па стане на 9 лістапада.
БелаПАН нагадвае, што 8 лістапада намеснік міністра аховы здароўя, галоўны санітарны ўрач Валянціна Качан паведаміла, што ў краіне зафіксаваны 102 такія выпадкі, у сямі памерлых ад пнеўманіі выдзелены вірус А (H1N1).
