Латвія, Літва і Эстонія адмовіліся ад прыроднага газу з Расіі
Расійскі газ не пастаўляецца ў гэтыя краіны з 1 красавіка.
Краіны Балтыі — Латвія, Літва і Эстонія — адмовіліся ад прыроднага газу з Расіі. Пра гэта паведаміў старшыня праўлення аператара сістэмы прыроднага газу АТ Conexus Baltic Grid (Conexus) Улдзіс Барыс.
Па ягоных словах, расейскі газ не пастаўляецца ў гэтыя дзяржавы з 1 красавіка. Цяпер краіны Балтыі выкарыстоўваюць сыравіну з запасаў, якія захоўваюцца ў латвійскіх падземных сховішчах.
Еўропа атрымлівае з Расіі больш за 40% прыроднага газу. Найбольш залежная ад гэтага рэсурсу Германія, дзе доля паліва РФ складае больш за 50%. Раней міністр фінансаў Германіі Крысціян Лінднер заявіў, што ён супраць эмбарга на расійскія энерганосьбіты, паколькі "гэта можа падарваць устойлівасць Германіі".
