Леанід Судаленка аспрэчвае вынікі нядаўніх выбараў

Кандыдат у дэпутаты Гомельскага абласнога савета Леанід Судаленка аспрэчвае вынікі нядаўніх мясцовых выбараў у судзе. Ён патрабуе прызнаць выбары ў Валгаградскай акрузе № 14 несапраўднымі. Паводле словаў Судаленкі, падставай для звароту са скаргай у гомельскі абласны суд сталі вынікі назірання ў гэтай акрузе за датэрміновым і асноўным галасаваннем.

Давераныя асобы і незалежныя назіральнікі падлічылі на пяці ўчастках, што колькасць людзей, якія прынялі ўдзел у галасаванні, была завышаная камісіямі на 2,5 тысячы чалавек.