Легендарны змагар Мірон патрабуе знайсці арганізатараў выбухаў

Бел-чырвона-белы сцяг з’явіўся апоўначы на адным з жылых будынкаў на вуліцы “Праўды” ў Віцебску. Міліцыянты заўважылі яго не адразу, бо ўвага іх была адцягнута на ахову “чырвонай зоны”, дзе будзе праходзіць "Славянскі базар".  Як паведаміў віцебскі апазіцыянер Барыс Хамайда, да сцягу была прымацавана цыдулка з патрабаваннем знайсці арганізатараў выбухаў 2005 года ў Віцебску і ўноч з 3 на 4 ліпеня сёлета ў Мінску. Легендарны змагар Мірон, імем якога падпісана цыдулка, адзначае, што выбухі са шматлікімі ахвярамі - гэта злачынства супраць беларускага народу.

Ядвіга Сташэўская, Еўрарадыё, Віцебск