Лукашэнка даў інтэрв'ю французскай газеце "Фігаро"

Кіраўнік Беларусі 25 лістапада даў інтэрв'ю французскай газеце "Фігаро".
Як адзначае БЕЛТА, Аляксандр Лукашэнка адказаў больш як на 30 пытанняў журналіста французскага выдання. Яны тычыліся адносін Беларусі з Еўрасаюзам і Францыяй, беларуска-расійскага супрацоўніцтва, а таксама беларускай замежнай палітыкі. Лукашэнка таксама закрануў тэму блізкіх прэзідэнцкіх выбараў у Беларусі і даў характарыстыкі некаторым апазіцыйным кандыдатам на гэтую высокую пасаду.

"Фігаро" з'яўляецца найбуйнейшай французскай штодзённай агульнапалітычнай газетай. Наклад выдання складае каля 400 тысяч асобнікаў.