Лукашэнка раіць беларусам задаць пытанне прэтэндэнтам на пасаду прэзідэнта

Падчас наведвання Магілёва Аляксандр Лукашэнка сёння выказаўся наконт будучых выбараў. Ён параіў беларусам пацікавіцца ў прэтэндэнтаў на прэзідэнцкую пасаду, што яны зрабілі для Беларусі. Таксама ён параіў уважліва разгледзіць сваіх канкурэнтаў. Гаворачы пра свой удзел у выбарах, Лукашэнка ў чарговы раз адзначыў, што пра выбары ён не думае, перадвыбарчай кампаніі не вядзе, бо гэта адцягвае яго ўвагу ад важных дзяржаўных спраў.

Паводле БЕЛТА, кіраўнік дзяржавы скрытыкаваў тых прэтэндэнтаў, якія абяцаюць у выпадку перамогі на выбарах аддаць Расіі буйныя беларускія прадпрыемствы.