Ля Усходніх могілак Мінска 29 красавіка будзе забаронена паркавацца
Нагодай для забароны называюць пасяджэнне Вышэйшага еўразійскага эканамічнага савета ў Мінску.
Пра гэта паведамляе БелаПАН са спасылкай на мінскую ДАІ.
Да гэтага года традыцыйна на Радаўніцу сталічная ДАІ арганізоўвала паркоўку для наведвальнікаў Усходніх могілак на прылеглым участку праспекта Незалежнасці.
29 красавіка кіроўцам прапануецца пакінуць свае аўтамабілі на вуліцах Каліноўскага і Усіхсвяцкай.
Фота — interfax.by
