Лыжка мёду: віно для сэрца і геніталіі для паліцэйскага

У Чабаксарах усталявалі помнік героям "Вожыка ў тумане", а ў Брытаніі высветлілі, колькі можна піць з карысцю для здароўя. Навошта спявачцы Пінк плаціць штраф за чужое парушэнне і што робяць у Маскве, калі паліцыя просіць паказаць дакументы. 

Пра гэта і не толькі — у аглядзе самых добрых, смешных, а часам абсурдных навін на Еўрарадыё.

Вожыыыык!

Побач з аэрапортам у Чабаксарах усталявалі помнік героям мультфільма "Вожык у тумане". 

Арт-аб'ект Юрыя Нарштэйна атрымаў назву "МедвЕжонок". Скульптура сімвалізуе жаданне падарожнікаў спазнаваць свет, але заўсёды знаходзіць дарогу дадому.

Спявачка Пінк хоча аплаціць штраф супраць сексізму

Амерыканская спявачка Пінк прапанавала аплаціць штраф жаночай зборнай Нарвегіі па пляжным гандболе. Ён быў прызначаны за выступ спартсменак на чэмпіянаце Еўропы ў шортах замест бікіні. 

"Я вельмі ганаруся нарвежскай жаночай камандай па пляжным гандболе, якая пратэстуе супраць сексісцкіх правілаў у дачыненні да сваёй формы. Еўрапейскую федэрацыю гандбола варта аштрафаваць за сексізм. Выдатна, дамы. Я з радасцю аплачу ваш штраф. Так трымаць", — піша Пінк у Твітары.

Нагадаем, што 18 ліпеня нарвежкі адмовіліся выступаць у бікіні на турніры са зборнай Іспаніі 18 ліпеня. Спартсменкі выйшлі на поле ў шортах, таму што ў бікіні ім было нязручна.

Знойдзены самы вялікі сапфір у свеце

На Шры-Ланцы знойдзены самы вялікі ў свеце зорчаты сапфір вагой 510 кілаграмаў. Яго ацанілі больш чым у 200 мільёнаў долараў. Ужо атрымана некалькі заявак на куплю каштоўнага каменя ад замежных пакупнікоў.

Ваша здароўе

У Брытаніі навукоўцы ацанілі рызыку развіцця сардэчна-сасудзістых захворванняў людзей у залежнасці ад дозы штодня спажыванага імі алкаголю. Высветлілася, што тыя, хто выпівае паўбакала віна ў дзень, рызыкуюць менш, чым непітушчыя, прыкладна гэтак жа ў тых, хто выпівае ў дзень келіх віна ці бутэльку піва. 

У сваёй працы навукоўцы выкарыстоўвалі базы дадзеных службаў аховы здароўя Англіі і Шатландыі, а таксама брытанскага біябанку UK Biobank і вынікі папярэдніх 12 даследаванняў.

Геніталіі замест дакументаў

У Маскве паліцыянты папрасілі мужчыну паказаць дакументы, а той паказаў ім геніталіі. 

"Гэта і ёсць мае дакументы", — заявіў ён, спусціўшы штаны.

Вядома, што мужчыну 40 гадоў. Яго затрымалі і адправілі на медасведчанне.