Макс Барскіх ўступіў у УСУ: грошы за канцэрты ў Расіі вяртаць не збіраецца
Макс Барскіх ў ваеннай форме / скрыншот Еўрарадыё
Украінскі спявак Макс Барскіх далучыўся да Узброеных сілаў Украіны. Пра гэта ён распавёў у сябе ў Instagram.
— Хто мог сабе ўявіць? Яшчэ месяц таму адзінае, што было ў мяне ў руках — гэта мікрафон. І толькі. Але цяпер час змяніўся...скажыце, як будзем святкаваць нашу перамогу? — кажа Макс Барскіх.
Раней Макс Барскіх скасаваў свае канцэрты ў Расіі і адмовіўся вяртаць грошы за квіткі. Ён заявіў, што сродкі пойдуць на карысць Украіны.
Сярод украінскіх музыкаў у склад УСУ ўвайшлі таксама Святаслаў Вакарчук і гурт "Бумбокс".
