Максімальнае збліжэнне Зямлі з Месяцам не пагражае ніякімі катаклізмамі
Максімальнае набліжэнне Месяца да Зямлі, якое адбудзецца ўначы ў панядзелак, не прывядзе да прыродных катаклізмаў і анамалій, упэўніваюць навукоўцы.
Група спецыялістаў і метэаролагаў апублікавала заяву на інтэрнэт-партале "Метэанавіны", у якой абвяргаюць распаўсюджаную ў прэсе і благасферы інфармацыю пра магчымыя наступствы максімальнага збліжэння Зямлі са спадарожнікам.
Месяц рухаецца вакол Зямлі па эліптычнай арбіце, і раз на 19 гадоў адлегласць паміж гэтымі касмічнымі целамі скарачаецца да мінімуму — 356,6 тысячы кіламетраў.
У гэты перыяд памер месячнага дыска ў небе павялічыцца амаль на 10%, што будзе заўважна няўзброеным вокам, перадае ВВС.
