Мараканцы спрабавалі абакрасці беларуса на аўтазапраўцы ў Польшчы
Здарэнне адбылося ў гміне Тожым у Суленцінскім павеце (Любушскае ваяводства).
Супрацоўнік аўтазапраўкі заўважыў, калі зламыснікі ў мясцовым рэстаране спрабавалі выцягнуць кашалёк з курткі беларуса.
Пра здарэнне мужчына сам паведаміў у паліцыю. Высветлілася, што затрыманыя — грамадзяне Марока, ім 43 і 50 гадоў. Як яны апынуліся ў Польшчы, не паведамляецца. Цяпер ім пагражае да 5 гадоў турмы.
Фота — wiadomosci24.pl
