Маршрутка ў Мінску сутыкнулася з МАЗам, пацярпелі 5 чалавек

Маршрутнае таксі ў Мінску сутыкнулася з МАЗам, 5 пасажыраў атрымалі траўмы, перадае "Інтэрфакс-Захад".

Пацярпелыя дастаўленыя ў лякарню, некаторыя з іх шпіталізаваныя. У аднаго пасажыра чэрапна-мазгавая траўма.

Аварыя адбылася на скрыжаванні вуліцы Маладзёжнай з Партызанскім праспектам з-за парушэння правіл дарожнага руху кіроўцам аўтамабіля "Фольксваген", які паварочваў у забароненым месцы.

Ён выехаў насустрач МАЗу, якому давялося рэзка тармазіць. Кіроўца маршруткі не паспеў зарыентавацца і ўехаў у грузавік. Віноўнік аварыі і яго аўтамабіль не пацярпелі.