Машыну брата Казуліна спыняў спецназ, у яго забралі дакументы і з'ехалі

Спецназ спыніў аўтамабіль брата Аляксандра Казуліна, які суправаджаў брата ў калонію.

У машыне шукалі зброю і выбуховыя рэчывы, а таксама правяралі, ці не знаходзіцца яна ў вышуку. Паводле словаў Ул. Казуліна, супрацоўнік віцебскай міліцыі не прадставіўся. Было заяўлена, што машыны няма ў базе ДАІ, таму яе неабходна даставіць у Оршу.

Праз 15 хвілін па рацыі паступіла каманда і міліцыянт са спецназаўцамі селі ў сваю машыну і з'ехалі, ледзь не збіўшы Уладзіміра Казуліна. Апошні застаўся на дарозе без дакументаў на машыну, паведамляе прэс-служба Казуліна.