Маскоўскія вуліцы падпішуць на шыльдачках па-беларуску
А таксама з'явяцца шыльдачкі на ўкраінскай, балгарскай, сербскай і македонскай мовах.
Як паведамляе kultura.mos.ru, усё гэта адбудзецца ў рамках святкавання Дня славянскага пісьменства і культуры 24 траўня. Разнамоўныя шыльдачкі на вуліцах дапамогуць масквічам даведацца пра выкарыстанне кірылічнага алфавіту ў іншых краінах. Шыльды можна будзе знайсці на Раждзественцы, Нягліннай, Кузнецкім мосце, у Лаўрушынскім завулку.
Таксама на інфармацыйных тумбах у Маскве размесцяць плакаты з фразамі на славянскіх мовах.
