Міхалевіча перавялі пад варту МУС

Экс-кандыдата ў прэзідэнты Алеся Міхалевіча перавялі з СІЗА КДБ у СІЗА МУС, што знаходзіцца на вуліцы Валадарскага. Пра гэта стала вядома яго адвакату Агееву. Агееў не стаў каментаваць для Еўрарадыё гэтую падзею, бо прычыны пераводу не ведае.

Між тым, следчыя дзеянні ў дачыненні да Міхалевіча выглядаюць актыўнымі.Сёння супрацоўнікі КДБ агледзелі "Шкоду-Феліцыю", якая яму належыць, адкапаўшы аўто з-пад снегу ў двары дома, дзе жывуць Міхалевічы.