Міліцыянты не заўважылі выкрадання Змітра Дашкевіча
Па факце крадзяжу асабістай маёмасці ў лідара міжнароднай моладзевай арганізацыі "Малады фронт" (Чэхія) Змітра Дашкевіча міліцыя пачала крымінальную справу. Як нагадвае БелаПАН, 5 снежня 2009 года Дашкевіч павінен быў удзельнічаць у падпісанні дамовы пра стварэнне моладзевай кааліцыі "Новае пакаленне". Калі хлопец выйшаў са сваёй кватэры на Партызанскім праспекце ў Мінску, на яго напалі пяцёра невядомых. Дашкевіча вывелі з пад'езда, забралі ў яго сумку з дакументамі і мабільны тэлефон, пасадзілі ў мікрааўтобус. Пяць з паловай гадзін яго вазілі ў аўтамабілі, пасля чаго пакінулі ў лесе недалёка ад вёскі Антонаўка Лагойскага раёна Міншчыны.
Дабраўшыся да сталіцы, лідар "Маладога фронта" адразу звярнуўся з заявай у міліцыю. Цяпер Дашкевічу прыйшло апавяшчэнне, што 14 снежня міліцыя пачала крымінальную справу за рабаванне, учыненае групай асобаў. Пры гэтым палітык адзначыў, што, нягледзячы на ўсе хадайніцтвы і заявы ў міліцыю і пракуратуру, яму прыйшло толькі апавяшчэнне з міліцыі. Ніякіх адказаў з пракуратуры ён не атрымаў.
Дарэчы, за апошні год гэта не першае выкраданне моладзевых актывістаў. 19 снежня 2008 года ў Мінску быў выкрадзены адзін з лідараў нефармальнай арганізацыі "Маладая Беларусь" Артур Фінькевіч. 25 сакавіка 2009 года ў сталіцы невядомыя схапілі маладафронтаўцаў Настассю Палажанку і Дзяніса Карнова і вывезлі ў лес. 27 лістапада 2009 года ў цэнтры Мінску быў выкрадзены актывіст моладзевай апазіцыі Ўладзімір Лемеш, якога вывезлі за горад на машыне без нумарных знакаў. Ва ўсіх выпадках міліцыя не змагла знайсці людзей, датычных да гэтых злачынстваў.
Дабраўшыся да сталіцы, лідар "Маладога фронта" адразу звярнуўся з заявай у міліцыю. Цяпер Дашкевічу прыйшло апавяшчэнне, што 14 снежня міліцыя пачала крымінальную справу за рабаванне, учыненае групай асобаў. Пры гэтым палітык адзначыў, што, нягледзячы на ўсе хадайніцтвы і заявы ў міліцыю і пракуратуру, яму прыйшло толькі апавяшчэнне з міліцыі. Ніякіх адказаў з пракуратуры ён не атрымаў.
Дарэчы, за апошні год гэта не першае выкраданне моладзевых актывістаў. 19 снежня 2008 года ў Мінску быў выкрадзены адзін з лідараў нефармальнай арганізацыі "Маладая Беларусь" Артур Фінькевіч. 25 сакавіка 2009 года ў сталіцы невядомыя схапілі маладафронтаўцаў Настассю Палажанку і Дзяніса Карнова і вывезлі ў лес. 27 лістапада 2009 года ў цэнтры Мінску быў выкрадзены актывіст моладзевай апазіцыі Ўладзімір Лемеш, якога вывезлі за горад на машыне без нумарных знакаў. Ва ўсіх выпадках міліцыя не змагла знайсці людзей, датычных да гэтых злачынстваў.
