Мінчукі пакінулі каля крамы партфель з 10 тысячамі долараў (відэа)
Акрамя месячнай выручкі прадпрымальніка ў ім былі таксама дакументы.
Грошы мужчына збіраўся занесці ў банк, але пасля шопінгу з жонкай проста забыў партфель у цялежцы для тавараў. Міліцыя шукае новых гаспадароў сакваяжа.
Як паведамляе тэлеканал "Беларусь 1", дзякуючы камерам відэаназірання стала вядома, што адзінокі партфель спачатку заўважыла жанчына. Прыкладна ў гэты момант да яе падбег мужчына з чорнага БМВ і, напэўна, сказаў, што гэта ён забыў свой сакваяж. Затым знаходлівы кіроўца спешна занёс яго ў машыну. Спяшацца яму было няма куды, мяркуючы па кадрах сістэмы відэаназірання, ён з жонкай пайшоў па пакупкі.
Пра тое, што маладыя людзі "сарвалі вялікі куш", муж і жонка даведаліся ўжо пасля таго, як вярнуліся ў машыну. Зараз аператыўнікі Мінскага раёна шукаюць людзей з чорнага БМВ. За ўчыненне крадзяжу ў асабліва буйным памеры ім пагражае да 12 гадоў пазбаўлення волі.
