Мінскае "Дынама" прайгравала "Сочы" з лікам 0:3, але ў выніку выйграла

У браму дынамаўцаў у першым перыядзе заляцела кур'ёзная шайба / Кадр з відэа
Мінскае "Дынама" прайгравала "Сочы" з лікам 0:3, але ў выніку выйграла — 5:3 (0:3, 1:0, 4:0). Пасля няўдалага першага перыяду (сярод прапушчаных шайбаў была і кур'ёзная — на другім відэа), мінчукі змаглі пераламіць ход гульні. У гаспадароў пляцоўкі шайбы закінулі Віталь Пінчук (29-я хвіліна), Вадзім Шыпачоў (43), Роб Хэмілтан (43), Ксаўе Уэле (51) і Вадзім Мароз (53).
Гэта быў апошні матч кароткай хатняй серыі ў чэмпіянаце КХЛ. Мінскія дынамаўцы захавалі за сабой 7-е месца ў Заходняй канферэнцыі.
6 лютага "Дынама" згуляе ў Яраслаўлі з "Лакаматывам", лідарам лігі.
Каб сачыць за галоўнымі навінамі, падпішыцеся на канал Еўрарадыё ў Telegram.
Мы штодня публікуем відэа пра жыццё ў Беларусі на Youtube-канале. Падпісацца можна тут.