Мінскае "Дынама" стартуе ў КХЛ матчам у Санкт-Пецярбургу з мясцовым СКА
Першы матч у чэмпіянаце Кантынентальнай хакейнай лігі сезона 2009/2010 мінскае "Дынама" правядзе ў Санкт-Пецярбургу з мясцовым СКА. Стартавая гульня прызначаная на 12 верасня. Як паведамляе агенцтва "Минск-новости", пасля вяртання з Санкт-Пецярбурга дынамаўцы тры гульні правядуць на сваёй пляцоўцы: 14 верасня з уфімскім "Салаватам Юлаевым", 16-га — з омскім "Авангардам", 18-га — з клубам "Барыс" з Астаны.
