Мінскае "Дынама" выйграла ў "Трактара" — 4:2
Лік па перыядах — 1:1, 0:1, 3:0.
Чарговы матч чэмпіянату Кантынентальнай хакейнай лігі каманда Любаміра Покавіча правяла ў чацвер на "Мінск-Арэне".
Пасля шайбы Плата мінчукі выйгравалі з лікам 1:0, але прапусцілі дзве шайбы. Толькі ў канцы матча ўдалося вырваць перамогу, дзякуючы трапным кідкам Казнадзея і Кітарава. А Нагачоў паставіў пераможную кропку, закінуўшы шайбу ў пустую браму.
На гульні прысутнічалі 10800 чалавек.
Пасля гэтай перамогі мінскае "Дынама" набрала 33 ачкі пасля 31 матча і займае разам са "Слованам" апошнія два месцы ў Заходняй канферэнцыі. Адзначым, што дынамаўцы атрымалі ў трох хатніх матчах пад кіраўніцтвам новага галоўнага трэнера тры перамогі.
Наступны матч "Дынама" правядзе 2 снежня ў Навасібірску з мясцовым клубам "Сібір".
Фота — hcdinamo.by
