Мінскае хакейнае “Дынама” прайграла “Магнітцы” (відэа)

Мінскае “Дынама” пацярпела паразу ад магнітагорскага “Металурга” — 2:3. Матч прайшоў 28 студзеня ў Магнітагорску.

Гульня пачалася з хуткага голу дынамаўцаў — Пол Шчэхура паразіў браму гаспадароў ужо на 4-й хвіліне матчу. Гаспадары пад канец першага перыяду зраўнялі лік, а ў другім перыядзе выйшлі наперад, не падпускаючы беларусаў да сваёй брамы.

У апошнім перыядзе “Металург” павялічыў перавагу  да ліку — 3:1. За дзве хвіліны да фінальнай сірэны гулец “зуброў” Мэт Элісан закінуў шайбу, аднак для зраўнання ліку і вываду гульні ў овертайм мінчанам не хапіла часу.

30 студзеня дынамаўцы згуляюць у Екацярынбургу з "Аўтамабілістам".

Фота: hcdinamo.by