Мітрапаліт Філарэт стаў ганаровым доктарам гомельскага ўніверсітэта
Гомель наведвае з двухдзённым візітам мітрапаліт Філарэт. Якраз у гэтыя выходныя ў абласным цэнтры адбываецца святкаванне 20-х угодкаў заснавання Гомельскай епархіі Рускай Праваслаўнай Царквы. У суботу мітрапаліт пабываў ў Гомельскім дзяржаўным універсітэце імя Францыска Скарыны. Яму прысвоілі званне ганаровага доктара гэтага ўніверсітэта. Уладыка прачытаў лекцыю на тэму "Хрысціянская антытэза чалавечай адзіноце" (на здымку). А ў нядзелю, з 9.00 да 9.30, вернікі атрымаюць магчымасць сустрэцца з патрыяршым Экзархам на пляцы поруч сабора.
