"Міжнародная федэрацыя журналістаў" просіць пакараць забойцаў Паліткоўскай

Пакараць забойцаў вядомай расійскай журналісткі Ганны Паліткоўскай просіць праваабарончая арганізацыя "Міжнародная федэрацыя журналістаў", офіс якой зназходзіцца ў Брусэлі.  Нагадаем, Следчы камітэт Расіі ўчора заявіў пра завяршэнне расследавання забойства. Неўзабаве трое абвінавачваных апынуцца на лаве падсудных. "Мы вітаем той факт, што правасуддзе на правільным шляху, аднак... забойцы мусяць панесці пакаранне", - гаворыцца ў заяве арганізацыі, якую цытуе Reuters. 

Аднак, як раней паведамляла Газета.ру, пра тых, хто замовіў забойства, па-ранейшаму нічога невядома. Не затрыманы і выканаўца забойства. Судзіць будуць толькі саўдзельнікаў у злачынстве.