МУС Беларусі стварае “чорны спіс” людзей, якіх не выпусцяць за мяжу

У Беларусі ствараецца банк дадзеных аб грамадзянах, якім часова забаронена выязджаць з краіны. Гэтым займаецца Міністэрства ўнутраных спраў.  У згаданую катэгорыю ўваходзяць асобы, якія не адбылі тэрмін пакарання, знаходзяцца пад следствам, валодаюць дзяржаўнымі сакрэтамі, маюць невыкананыя фінансавыя абавязкі. Цяпер фармуюцца “адзіныя падыходы да фармавання банка дадзеных”.

У дэпартаменце па грамадзянству і міграцыі МУС Беларусі паведамляюць, што гэтыя мерапрыемствы праводзяцца ў сувязі з будучай адменай дазвольнага штампу ў пашпартах.

Нагадаем, цяпер у органах дзяржаўнага кіравання знаходзіцца на разглядзе праект адпаведнага ўказу прэзідэнта. Мяркуецца, што штамп будзе адменены з 1 студзеня 2008 года.

Інтэрфакс