МУС: Пытанне з таніроўкай шкла аўтамабіляў вырашыцца ў наступным годзе

Міністэрства ўнутраных спраў Беларусі плануе ў наступным годзе канчаткова вырашыць пытанне з таніраваннем шкла аўтамабіляў.
Як распавёў міністр Анатоль Куляшоў, міліцыя разаслала свае прапановы зацікаўленым ведамствам.

Пасля атрымання адказаў і абмеркавання будзе прынята рашэнне. Куляшоў падкрэсліў, што кропку ў справе таніроўкі плануецца паставіць у наступным годзе, інфармуе “Інтэрфакс-Захад”.

Як пісала раней Еўрарадыё, таніроўка ў Беларусі была забаронена ўказам прэзідэнта, але гэта супярэчыць міжнародным нормам, пад якімі падпісалася наша краіна.

У выпадку, калі ўзнікаюць падобныя супярэчнасці — дзейнічаюць міжнародныя законы, які дазваляюць таніроўку.

Чытайце таксама:

ДАІ вымярае таніроўку з парушэннем закону

ДАІ адыгралася на кіроўцы, якому прайграла суд (відэа)

ДАІ працягвае паляваць за сваім крыўдзіцелем?