Музыкі Coldplay стануць героямі "Сімпсанаў"

Брытанцы Coldplay з'явяцца ў адной з серый новага сезону папулярнага мультсерыяла “Сімпсаны” у выглядзе анімаваных персанажаў.  Мультыплікаваныя Крыс Марцін і кампанія выступяць на вечарынцы галоўных герояў Барта і Гамера Сімпсанаў, якія выйгралі ў латарэю мільён долараў і не прыдумалі нічога лепш, чым замовіць прыватны канцэрт Coldplay.

Паведамляецца, што эпізод з удзелам Coldplay будзе паказаны ў эфіры тэлеканала FOX TV у снежні.

Нагадаем, што гэтай восенню стартуе ўжо 20-ы сезон “Сімпсанаў”, якія з'явіліся на амерыканскім тэлебачанні яшчэ ў 1989-м годзе.

Варта адзначыць, што запрашэнне паўдзельнічаць ў гэтым тэлесерыяле лічыцца лепшым прызнаннем папулярнасці калектыву. Раней стваральнікі “Сімпсанаў” прыцягвалі да супрацоўніцтва Metallica, Fall Out Boy, U2, White Stripes, Red Hot Chili Peppers і іншых зорак шоў-бізнэсу.

Фота: yorkblog.com