На 8 сакавіка гурт Re1ikt падорыць слухачкам дыскі з аўтографамі
Замовіць плытку можна ў сацыяльнай сетцы "вКонтакте" з 1:00 8 сакавіка цягам усяго дня.
Гурт Re1ikt вырашылі павіншаваць сваіх прыхільніц з Міжнародным жаночым днём. 8 сакавіка дзяўчыны могуць наведаць адмысловую старонку "вКонтакте" і замовіць плытку "Vytoki" з аўтографамі музыкаў.
"Шаноўныя слухачкі Re1ikt! Мы хочам павіншаваць вас са святам вясны і пажадаць вам быць прыгожымі, каханымі, шчаслівымі. І, вядома, слухаць добрую музыку і прыходзіць на нашыя канцэрты", — адзначае гурт на старонцы акцыі.
