На Брэстчыне ў выбаркамы вылучылі каля 2% прадстаўнікоў партыяў
Пра гэта паведамілі Еўрарадыё ў абласной выбарчай камісіі. У 986 выбарчых камісій заявіліся 246 чальцоў пяці партыяў. Найбольшую колькасць сваіх прадстаўнікоў — 90 чалавек — вылучыла Партыя БНФ. Праўладная Камуністычная партыя Беларусі заявіла 69 сваіх чальцоў, 49 чалавек накіравала Партыя левых “Справядлівы свет”. Грамадскія аб’яднанні, якія не з’яўляюцца партыямі, заявілі 3821 чальца, з іх найбольш — гэта каля паўтары тысячы — афіцыйная Федэрацыя прафсаюзаў Беларусі. Амаль столькі ж заявілі “Белая Русь” і Беларускі рэспубліканскі Саюз моладзі.
